Korte

Mga ka-wordpress! Ka-blogspot! O kung ano pa mang blogsite iyan. 🙂

Maraming salamat sa mga sumusunod na bloggista, Carl, Kuya Ge, RR. Nasa gilid ang kanilang links. Maraming salamat dahil binuksan nila ang aking isipan sa tinatawag nilang Figure Poem. Dahil sa aking pagkamangha sa ganitong obra, ay sinubukan kong gumawa nito. 🙂

Eto po ang aking rendisyon ng FIGURE POEM.

Bukas po ako sa mga kumento, ‘wag lamanag bayolente. Haha!

-Brent.

Ismayl!

SMILE!

Ganyan tayong mga Pilipino. Pangkaraniwan na ang mga taong laging naka-ngiti lalo na kung kasama ang kabarkada, boypren/gelpren, pati na rin ang mga kaaway.

Ganyan naman tayo palagi! Lalo na yung mga nagpapa-kyut! AMININ! Ganyan din naman ako paminsan, lalo na kapag kumakain sa mga fast food chain tapos kasama ko kabarkada ko. Kunyari tatawa, pero nagpapa-kyut talaga. Hihi!

Pati sa ating mga kaaway ay ginagawa natin ang ating PLASTIC SMILE. Haha! Kahit siya pa ay nakipag-ayos sayo, pero kung talagang mainit ang dugo mo sa kanya. Ganito ang mangyayari :

Ikaw : *habang naglalakad sa corridor*

Kaaway : Ui! Kamusta ka na? *sincere mode*

Ikaw : Ahh, ok lang. Ikaw?

Kaaway : Ok lang din ala….

Ikaw : *tingin sa relos* ayyy, may gagawin pa pala ako. Sige, next time na lang. *PLASTIC SMILE*

Hahaha! Ang saya diba?!

Kahit nga sa mga live feed ng Balita sa TV, kapag napo-pokus sa mga nasunugan sa isang lugar. Nakukuha pa rin nilang kumaway at umi-smayl sa kamera. Ang galing din natin ano?! Kahit nasa hindi na magandang sitwasyon, nakukuha pa rin nating ipakita ang ating pagiging positibo.

Ayy sandali lang, pagiging positibo nga ba o pagpapa-kyut pa rin?

Haha! Kayo na bahalang sumagot niyan. 🙂

Brent.

Ilusyon

Habang ako ay nagiikot sa kalawakan ng WORLD WIDE WEB, ay napadpad ako sa isang site, ebaumsworld, at napansin ko ang ilan sa mga pinaka-nakaka-lokong ilusyon.

Heto, at pagmasdan ang larawan.

Maraming salamat sa ebaumsworld.com

at eto pa ang isa.

Maraming salamat sa ebaumsworld.com

Nakakatuwa diba? Sa sobrang meticulosa ng pagkakagawa ay maaisip mong totoo ito, hanggang sa daan at subukan.

Sana lang wag magkatotoo yung nasa unang larawan. Hahaha!

Sana ay magaya o magawa din yan ng mga pintor natin, mahuhusay din naman sila. Sana ang unang-unang obra na ganyan na kanilang gagawin ay nakalubog sa KUMUNOY ang mga corrupt na opisyales ng bansa. Para kahit man lang sa mga obra ay maramdaman natin na meron paring hustisya sa bayan.

Brent.

Peste!

Nakakapeste naman ‘tong DSL namin. Maya’t-maya nagda-down yung connection! Yung tipong nagse-surf ka sa mga forums tapos pag refresh mo, lalabas yung ERROR LANDER! Ayy, nako po! Nakakaasar talaga! Ang sarap i-ERROR LANDER ng makakausap customer service agent!

Bakit naman kasi ganto ang serbisyo nila, hindi naman kami pumapalya sa pagbabayad ng mga tinatakda nilang fees. Sabi nga ng nanay ko, “ang galing galing nila sumingil, pero ang panget ng serbisyo!” Biruin mo yun, halos 1,000 pesos para sa “FAST and UNLIMITED Internet Connection.” Yun pala ang tinutukoy nila ay FAST wrinkles and UNLIMITED kakunsumihan!

Gosh! Sana lang mamaya tumino ang connection namin. Kundi gi-gyerahin ko sila dun sa opisina nila. Haha!

Brent.

Linggo

“Remember to keep holy the SABBATH Day.”

Linggo, Sabbath day, Family Day in-short ARAW NG DIYOS. Naka-simba o samba, para sa aming mga Iglesia ni Cristo, ka na ba?

As usual kapag Linggo, pupunta ang mga tao sa kani-kanilang SIMBAHAN o KAPILYA. Suot ang mga pormal at di-pormal na kasuotan. Bakit ganun? Bakit yung iba na nag-sisimba o sumasamba ay parang pupunta sa mall? O ‘di kaya’y suot ay pambahay lamang. ANO BA NAMAN YAN!? Hindi ba nila kayang humarap sa Diyos na maayos ang kasuotan? ‘Di ba mas kaaya-ayang isipin kung ang pagharap mo sa Diyos ay presentable ka?

Bago ka pumasok sa loob, iche-check mo muna kung may dala kang pamaypay, candy, panyo/towel, at paminsan cellphone. Maiintindihan ko naman kung bakit nagdadala ng pamaypay ang mga tao sa SIMBAHAN/KAPILYA, siyempre nga naman minsan ay sadyang napakainit sa loob. Maiintindihan ko rin kung bakit nagdadala ng candy ang mga tao, ika nga nila iwas antok. Maiintindihan ko rin kung bakit may dalang panyo/towel, tulad na lang ng rason sa pamypay. PERO! Hindi ko talaga maintindihan kung bakit kailangang magdala ng cellphone. Ito ba ay mahalaga sa pagsamba/misa? Sa totoo lang, nakakainis ang iba kasi kahit on-going ang seremonya ay on-going din ang kanilang mga makakating daliri sa pagpindot sa keypad ng kanilang cellphone!

Kapag nagleleksyon o nagsesermon naman ang ministro o pari, meron pa ring iba na akala mo puyat buong magdamag. Nakukuha pang umidlip habang nagsasalita ang nasa harap! Ano ba naman yan?! Ang sarap itulak at tanungin kung pumasok ba siya sa KAPILYA/SIMBAHAN para matulog o para makinig sa ministro. Andiyan din yung ibang hindi mapigil ang bibig, kuntodo chika na parang nakikipaglaban sa mga sinasabi ng ministro. Hay nako po! Ano ba yan!

Batu-bato sa langit ang tamaan ay kinakatok ng DIYOS.

Brent.